Apocalipse do porco

Se isto non é Beta...

2006-05-19T18:20:00.000+02:00

Con toda a Beta-precaución co tema require convido ós meus visitantes habituais, ós esporadicos, e os que chegaron trabucados na percura da lista da compra dun supermercado brasileiro, a todos vos dígovos que estades convidados a re-inauguración da miña casa no seu novo enderezo:

http://apocalipsedoporco.blogaliza.org

Ainda o estou axustando, e non sei cal vai ser a súa imaxe definitiva, non vos arrimedes ás paredes que vos podedes lixar ca pintura.

Quedades avisados.

Unhas cañas

2006-05-18T23:50:00.000+02:00

Onte coñecín persoalmente a Dorfun, tomamos unhas cañas, falamos un bo intre e regaloume dous libros en galego (Ó principio foi a liña de comandos e Os dados do reloxeiro) que ofrecera no seu blogue. Foi un bo xeito de celebrar o día das letras. Se cadra xa vistes a miña anotación no seu blogue, hoxe deixou a súa no meu, xusto na entrada aterior a ista.
Se algún non o coñece ainda ó Dorfun e lle quere ver a pinta, é este.

A foto non é do día das letras. ;-D

Querida máquina de escribir:

2006-05-18T23:43:00.000+02:00

Deben facer máis de 10 anos que non escribo contigo. A aparición do ordenador fíxoche sombra pese a que tampouco teño impresora no PC, igual por algo do subconsciente. O caso é que quero agradecerche todo o tempo que tiveche que agardar e ser paciente ata este momento, tras todos estos anos esquecida.

A tí déboche a soltura que hoxe poda ter á hora de teclear, e pese a que pasei moitas mañás de sábado amargado... agora non me arrepinto de todo o tempo que pasei contigo. Todas aquelas horas de transcrición de textos. Aqueles días de folios cheos de letras simples... e os paseos coa tua caixa negra que tanto pesaba.

Tentarei que a próxima vez que nos vexamos non sexa dentro doutros 10 anos, pero mentras tanto non me botes de menos... segue ti soa a ler as historias que che quedaron grabadas, sen tinta... e con ese pequeno tintineo mecánico que tanto boto de menos.

[unha anotación de dorfun, para o intercambio de bitácoras]

Pon un fosil na túa vida.

2006-05-18T18:14:00.000+02:00

Hoxe celébrase o día internacional dos museos, é tempo para lembrar eses grandes espazos onde son acollidas grandes obras de arte ou tamén materiais arqueolóxicos, restos do noso pasado. As tendencias mais actuais están cheos de novas tecnoloxías.

Hai un exemplo moi bo en España, que une varias destas categorías:
Hai obras pictóricas de grande formato nas súas salas e restos fósiles do noso pasado nos seus escanos: O Senado.

Seica teñen ordeador e telefono en cadanseu escano, logo tamén hai novas tecnoloxías.

Proposta: SENADO - Museo do ano en Europa

Espazo publicitario gratuito

2006-05-17T23:58:00.000+02:00

Non agardes mais. Próbao xa. E sempre estás a tempo de te botar atrás, porque non só é bo, tamén é gratis.
A miña muller di que neste país todo o que é gratis é un éxito. (Xa se verá)

Actualizado o xoves á tarde: Modesto Web - vía Chuza!

Na casa do veciño

2006-05-17T11:40:00.000+02:00

Hoxe comeza a curiosa idea de Dorfún de intercambiar entradas do seu blogue co que lle pete.
Eu, sen medo nin vergoña, atrevinme a escribir algo na súa casa.

A idea era tentar imitar o estilo orixinal de Dorfún, pero non fun quen, só expliquei porqué eu non falo habitualmente dalgunhas das cousas que fala el.

Pero é mellor que o vexades vos mesmos.

Proximamente, na miña casa aparecerá Dorfún, tentando imitar o meu estilo. Pero cando un é palleiro pouco estilo hai que imitar.

Fixen un novo amigo

2006-05-17T11:11:00.000+02:00

O meu novo amigo entrou hoxe no meu blogue ás 9:45 da mañá e deixoume algún comentario.
Seica gustoulle o meu blogue,que me di cousas tan bonitas como:
Your site is on top of my favourites - Great work I like it.
Interesting website with a lot of resources and detailed explanations.
Looks nice! Awesome content. Good job guys.
Very pretty design! Keep up the good work. Thanks.

Ainda que a que mais repetíu foi:
Looks nice! Awesome content. Good job guys. (21 veces)

O seu nome é Anonymous ainda que se cadra tamén o coñeceredes polo nome de bot, chámase así porque fai moito a pelota e por iso bota.

Por se este amigo volta púxenlle un pasatempo nos comentarios, así que os poucos que me comentabades teredes que introducir un texto de verificación da vosa humanidade.
E a ver cando algún deixa 41 comentarios como fixo este novo amigo.

Diecisiete de mayo

2006-05-17T09:39:00.000+02:00

Estaba hoy pensando en que poner en mi bitácora en el día de las letra gallegas y se me ocurrió que podría celebrarlo de la misma manera que los diarios gallegos, cambiando la lengua de la bitácora por un día.

Consultando las páginas web de los periódicos gallegos que ofrece traducidos Vieiros, he encontrado que La Voz sólo publica en gallego un articulo de cabecera, pero también, que ha espabilado y ofrece su edición en la web traducida, utilizando según deduzco el traductor automático desarrollado entre otros por la la Universidad de Vigo. Supongo, ya que soy muy mal pensado, que habrán detectado un importante flujo de visitas a través del traductor que ofrece Vieiros y querrán que ese flujo no pase por Vieiros, para seguir siendo la página más visitada de Galicia. (no se puede jugar con la publicidad).

El Faro publica sus noticias en gallego, pero con la actualización ya aparecían las últimas noticias en castellano.
Y La Región exclusivamente ourensano desde 1910, exclusivamente en castellano por lo que he podido ver.

Respecto al nuevo traductor de La Voz, por lo que he visto, al que le interese leer en gallego ese periodico le recomiendo el traductor de Vieiros, que creo que está más perfeccionado.

Por último, comentar que últimamente La Voz parece El Eco de Galicia, porque presenta iniciativas que copian otras anteriores de la red sin citar de donde sale la idea.
Ejemplos en la edición de hoy: Este traductor, o la elección de la palabra más bonita del gallego, iniciativas ambas que existían previamente ya en la red.

Para los que quieran leer la bitácora como todos los días pueden hacerlo usando la misma tecnología que La Voz, aquí.

Prince George

2006-05-16T21:56:00.000+02:00

O meu irmán semita, lembra que Hugh Laurie, o doutor House, tivo un pasado.

Participou na brillante e divertidísima Víbora negra, en dúas das etapas históricas.

Aquí aparece coma Principe George.

A voltas co termo "gallego"

2006-05-16T20:43:00.001+02:00

Moito se falou no blogomillo das definicións que do termo "gallego" aparecen no dicionario da RAE.

O que non vin que ninguén comentara foi algo que se me ocorreu agora mesmo escoitando nas quimbambas, na Radio Galega, unha entrevista a un cubano:

As mais das veces o termo gallego, cunha connotación negativa é un americanismo, dun ou doutro pais da Latinoamérica.

¿Como chaman nesas terras maioritariamente ós españois?

¿Non era gallegos?

A voltas co termo "gallego"

2006-05-16T20:43:00.000+02:00

I Concurso pop rock Musicali A!

2006-05-15T22:36:00.000+02:00

A concellería da Xuventude de Vigo e a Sala A! organizan o primeiro Concurso Pop Rock MusicaliA! dirixido a grupos musicais deste estilo de Galicia e Portugal. O 15 de xuño é a data límite para a recepción de maquetas que se remitirán á Casa da Xuventude ( Rúa López Mora,31)

Os grupos seleccionados actuarán a partir de setembro en concertos que se celebrarán na Sala A! os venres . No mes de xaneiro de 2007 coñecerase o nome dos tres finalistas e no mes de febreiro desenvolverase a final do concurso.

Os premios aos que optarán os grupos participantes son
10.000€ para o primeiro clasificado
5.000 € para o segundo e
2.500€ para o terceiro, en material musical e ata o 25% en metálico.

Atopado en arredemo e fusilado de xornal.vigo.org.

Mágoa que non rescataran o vello nome de Vigo en Vivo de tan grato recordo. Xa me contarán os corresponsais vigueses que tal resulta.

Non comprendo que na rede non aparezan case referencias ó Xose Otero, o locutor da Radio Ecca-Vigo pai ideolóxico da Kanteira. se cadra non pescudei como debera. O que si atopei con facilidade foi a páxina do Maketón e nela fotos coma esta que aquí deixo.

Parecen un par de paiasos, e abofé que son. Son dous dos Tronka Jazz Quartet, que presentaran unha gala dos premios do Maketón.

House

2006-05-14T23:35:00.000+02:00

Hai na rede un ruxe-ruxe ca serie House, que podedes ver na Cuatroº ou na FOX.

Eu atópolle certa semellanza á persoaxe con Becker, outro doutor con bastante mala ostia, ainda que as dúas series son bastante diferentes (Becker era unha sit-com e House ven sendo un Colombo-médico que pasa o episodio buscando o "asasino") House é mellor porque os diálogos son boísimos. Ollade estas escolmas de frases da web de cuatroº.

Na web do gamberro Bonache atopo unha ligazón a esta web de fans brasileiras da serie que seica queren emparellar a House e a Cameron, ainda que sexa no nome da súa páxina.

¿Sabedes porque nos gusta House? Porque nos tamén quereríamos dicirlle á xente o que pensamos, pero non temos a ousadía de facelo. ¿Non pensades que é iso?

How the west was won

2006-05-14T11:57:00.000+02:00

Pregúntame Makeijan, se a serie de Grizzly Adams era aquela na que salía Zeb Macahan.

Non ho, aquela estreouse na TVE co título de "La conquista del Oeste".

Pouco mais lembraba da serie, nin escribir o apelido dos Maqueighan sabía.

Pescudando na rede vexo que a serie de Zebulon Macahan e a súa familia non durou moito, normal, con episodios de dúas horas.

Pescudando un chisco vexo que Luke Macahan era Bruce Boxleitner (o home do soriso da foto) Se cadra o lembraredes da serie "O espantallo e a señora King" que puxeran na TVG.

Da serie "La conquista del Oeste" fixeran un xogo de mesa que algún amigo meu tiña (non lembro quen).

Non me podo comparar con Turuto, si el lembrara a serie sabería os nomes das persoaxes e os actores sen necesidade da rede. Si lembro, que esta serie gustárame no seu día, mais ainda ca de Grizzly Adams.

Expansión territorial

2006-05-12T23:55:00.000+02:00

O universo está a medrar desde o Big Bang, e tamen está expandido, ainda que desde hai menos tempo Caixa Galicia "A Nosa Caixa".

Como o señor Méndez é moi galleguista tira pola nosa economía pero sobre todo pola nosa cultura, nomeadamente pola nosa lingua. Pero que non tire tanto, que no-la vai arrincar.

Vede a foto dunha oficina da Caja de Ahorros de Galicia, porque digo eu que será esa entidade, ¿non si?

Podedes ver nestas liga zóns mais detalles da súa expansión.

¿Imaxinades que "la Caixa" cambiara o seu nome en catalán por "la Caja"?
Pois iso, cághala.

¿Deixan de entender en León que é unha caixa de aforros se pon Caixa Galicia? ¿Deixan de pensar que é unha entidade galega se o pon en castelán? Non entendo porqué fan este cambio. De verdade, non o entendo. Se alguén o entende, que faga o favor de mo explicar. Agradecereillo.

Via la nevera 61.

Proxectos varios

2006-05-12T17:01:00.000+02:00

Teño dous proxectos agora mesmo, pero o tempo non me da para todo.

Quero instalar o Linux, porque non me deu problemas co portatil o Live CD e agora xa me envenenei. Ainda así darei outro paso mais e deixarei os dous SO instalados, cun xestor de arranque como suxeriu Voloi. Para iso terei que partir o disco, que non é unha cousa que faga normalmente.

E por outra banda quería mudarme á Blogaliza, que xa teño mercada a parcela para o apocalipse.

Por se non chegara co virtual, trasládanme no traballo, ainda que dentro da cidade.

Xa seguirei contando...se teño tempo.

Non vai mal

2006-05-11T22:08:00.000+02:00

Onte baixei o Live CD da rede e estiven probando o Linux.

Non podo contar moito, porque estiven navegando co firefox, como sempre, e pouco mais estiven probando, porque botaban Mujeres desesperadas na Fox e estiven vendo a serie co portatil diante.

Tiven o problema de que non podo acceder ós arquivos do disco duro, penso que é por estar a traballar co Live CD e as configuracións non quedan gardadas, que seica usa a RAM coma disco duro virtual.

Terei que afacerme un chisco o entorno e despois de escoitar algún podcast, como di Turuto, pensarei en formatear o portatil e cambiar de sistema.

Teño medo de ter algún problema ca instalación e quedar afonico un tempo, sen poder escribir no blogue.

Este post o fago desde un equipo Linux, o meu, ainda que sexa postizo.

Primeiros pasiños

2006-05-10T21:08:00.000+02:00

Coma un neno cativo, terei que botar a andar collido da man dos maiores.

Estou, mentras escribo isto baixando unha copia dun "live CD", e non, non é o último atentado terrorista de Ricky Martin, nin as tomas falsas de Fran Perea. Moitos saberedes xa que é un sistema operativo que traballa sen instalar no equipo, concretamente estou a baixarme unha distribución Ubuntu de Linux.

Non teño nin idea, así que non sei que vai sair de todo isto, pero se todo vai mal só terei que reiniciar e Bill estará a agardar por min co seu sonriso nos beizos (Bil é un Príncipe...de Asturias)

Xa vos enteraredes.

Grazas, Voloi pola idea.

Manga na PSP

2006-05-09T19:50:00.000+02:00

Xa hai unha páxina xaponesa na que se pode descargar banda deseñada para ler na PSP.

Se cadra ainda é cedo para que vexamos ameazada a existencia da banda deseñada en papel, o mesmo que ocorre cos libros só de texto, porén cando haxa un trebello que deixe ler dun xeito mais confortable que o que agora hai e que sexa mais doado de levar dun lado a outro...
Coma os libros, pero con capacidade de almaceamento maior nun espazo menor.

Saquei todo isto dun comentario de Álvaro Pons no que reflexionaba no futuro das pequenas editoriais adicadas á publicación de material baixo licenza estranxeira en España cando se poida vender directamente en cada lingua na rede.
A xente que comentaba despois sobre isto falaba tamén do intercambio de banda deseñada escaneada que xa hai hoxe entre grupos de amigos.

Eu non sei se me darei afeito a estes cambios da banda deseñada, que ainda son do século pasado, pero mira ti o que pasou ca prensa diaria e a rede...

Grizzly Adams

2006-05-08T21:45:00.000+02:00

Onte estaba vendo na televisión Perseguido, protagonizada polo gobernador de California (non lembraba que fora de serie B, ¡mais era!) e nun diálogo mencionaron a Grizzly Adams.

A miña muller non a lembraba, pero eu si, era unha serie que poñían os fins de semán cando eu era cativo.

Un home escapa ó monte acusado dun crime que non cometera (que orixinal) no oeste dos E.U.A. e alí atopa un oso cativo que quedara orfo e o adopta salvandoo de morrer de fame. O oso converteuse no seu compañeiro.

A serie saira dunha película que á súa vez estaba baseada nunha historia que ocorreu na realidade (mais ou menos, como fan en Hollywood). Na serie o ghicho tiña outros dous compañeiros, un vello e un indio, seguramente porque o oso non lles daba bos diálogos.

O actor protagonista era Dan Haggerty, que tamén era un ghicho curioso de seu:
Fora culturista ó comezo dos sesenta e montara as motos da película "Easy-Rider" e a súa foi a única estrela que retiraron do paseo da fama de Hollywood.
Ten truco, a estrela era para Don Haggerty e trabucáranse na letra, mais adiante déronlle a súa propia estrela.
Co tempo Dan Haggerty mesmo vendeu o seu propio prebe como fixera tamén Paul Newman.

Este tipo de cousas son as que me van facendo sentir vello.

Ollo, só ás veces.

Post Conto

2006-05-07T19:30:00.000+02:00

O post do día despois, onde conto como me foi o conto.

As previsións horarias axustáronse bastante á realidade, agás o fin da cea, que alongouse e rematou ó redor da unha.

A voda estivo ben, e o que estivera xa nunha voda coñecerá mais ou menos o guión: risas, choros, moita comida, bastante bebida, baile, musica (si se lle pode chamar así) e moito amor.
Estiven con xente que había tempo que non vía, algúns incluso anos, familia, amigos que viven lonxe, e así.

O detalle gracioso foron unhas mulleres que rifaron á miña muller na igrexa (sobre todo a ela, ainda que estiveramos xuntos), porque foran oir misa e as estivera distraindo. "¡Hai que vir mais formal á misa!¡Non se pode estar todo o rato a falar!"
Calamos e non lles dixemos nada, ainda que moito había que dicir, empregamos a caridae cristiá que as dúas vellas non tiñan e marchamos rindo polo baixo. Non pensedes que estivemos a facer escandalo nin moito menos, falamos polo baixo (algo, tampouco pensedes que moito) pero cando alguén quere amolar, sóbranlle os motivos.

Xa na cea as nenas tiveron un momento Tarantino e puxenron os coitelos unhas sobre a cabeza das outras. Despois os nenos estiveron a bailar, xogaron, andiveron descalzos...o dos nenos, si foi unha festa.

O concerto empezou un chisco mais cedo do que eu pensara, pero non á hora que estaba anunciada. O día que La Iguana cumpla o horario que pon no cartaz non vai haber ainda ninguén. E rematou as dúas e vinte ou así, pero eu non puiden ir, quedei cas ganas de ver ós meus amigos tocando en La Iguana.
Xa vos contarei outro día como foi, cando teña a crónica do evento, e xa porei algunhas fotos, que agora non teño.

Planning para hoxe:

2006-05-06T13:29:00.000+02:00

14:00- Xantar na casa
15:00- Coller o cocher
17:30- Cambiar de roupa preto da igrexa
18:30- Voda
20:00? Parabéns ós noivos.
21:00? Aperitivo.
22:00? Cea.
24:00? Baile e copas
??:??- Saida cara á Iguana

22:30- Hora do concerto
23:30? Comezo real do concerto

¡Sincronicemos os reloxos!

¡TJ ó tellado!

Xa vos contarei mañá en que quedou a cousa, pero semella que non encaixa todo ainda neste horario. Non vos preocupedes, ainda é só unha aproximación.

Bill Gates

2006-05-05T19:30:00.000+02:00

Primeiro de todo, se os premios Nobel puideron seguir adiante depois de darlle a Kissinger o premio da paz, ós Principe de Asturias non lles vai pasar nada se lle dan o de cooperación internacional a Bill Gates.

Ainda así, a ver se fan o favor de non llo dar.
Se llo dan, alá eles, xa non lles vou á festa, que non chamen por min.

Se cadra penso isto porque estou manipulado por medios moi masivos como é o Chuza! ou grandes "lobbys" coma a AGNIX.

Se estades manipulados polos antimonopolistas inimigos das bondades do ultraliberalismo económico, se cadra desfrutaredes ca coña que fixo este rapaz, fan de La Hora Chanante. Non sei se o video é novo ou vello, atopeino hoxe no YouTube.

Sábado na Iguana

2006-05-04T16:57:00.000+02:00

Este sábado á noite, en La Iguana Club, na rua Churruca en Vigo vai celebrarse a festa do I aniversario da revista DOT, copio:

Con el motivo su primer aniversario, la revista Dot, celebra con todos nosotros su fiesta de cumpleaños. Para ello han preparado una serie de actividades y conciertos totalmente gratuitos. En La Iguana estarán actuando Niño y Pistola, Manos de Topo, John Marvellous, Portrait y Öscar el próximo 6 de mayo.

No mesmo intre, (xa sei que con menos interese mediática) estará a casar o meu curmán.

Non lle vou faltar á voda, pero se vos fixades nas ligazóns que teño no costado, veredes que gustaríame estar tamén no concerto. Á marxe de que toquen varios amigos, teño tamén interese en coñecer ós que ainda non oín, nomeadamente a niño y pistola e a manos de topo (chegados desde Barcelona pero medio vigueses os seus integrantes).

Jiro Taniguchi

2006-05-03T20:48:00.000+02:00

Tiña o bo costume, cando o Xastriño actualizaba o seu blogue de ler o que alí iba deixando, e tamén vin algún dos seus artigos no soportal de banda deseñada de cultura galega.

Un dos que me descubriu algo novo e interesante (as dúas cousas dende o meu punto de vista) foi o que falaba de Jiro Taniguchi. Despois Melo confirmou que era unha boa aposta e abofé que tiña razón.

Como podedes imaxinar, o ghicho é xaponés, pero si esperades que faga un manga do tipo de Bola de dragón ou Ranma 1/2, non ides acertar.

O que fai Jiro Taniguchi está dentro do que chaman nouvelle manga. Non vos podo dicir moito do nouvelle manga por que o único que lin da tal son cousas de Taniguchi. Pero ven sendo unha mestura da banda deseñada europea co manga.

Se non queredes perder tempo lendo todo o que deixo ligado, empezade pola ligazón ó artigo do Xastriño, mellor non o vou dicir eu. Se sodes afoutados e ides probar directamente recoméndovos comezar por "el almanaque de mi padre".

Para os que me coñezan en persoa, poden pedir o pouco que eu teño para probar.

Domingueiros

2006-05-02T20:35:00.000+02:00

O domingo estiveron aquí varios amigos e aproveitamos o bo tempo para dar un paseo ate Santa Cruz, mesmo dimos unha volta ó redor do castelo.

Non andivera ainda por alí e foi un "estupendo paseo domingueiro".

Despois comemos ó lado mesmo da praia nun restaurante.

Falamos mil cousas, como fan os vellos amigos, de despedidas de solteiro, de nenos, de sexo, de calquera cousa...

Pero ós poucos a conversa foi centrandose no servizo do restaurante. Sentámonos ás tres menos vinte, tardaron bastante en nos server, pero estaba dentro do que eu atopo normal, as catro acabáramos co segundo prato e decidimos non tomar cafes nin sobremesas. Pedimos a conta.
Cando xa a pediramos tres veces, ás catro e media pasadas, levantámonos, entramos e pagamos na barra.
Se vai sol e pos unha terraza, fai favor e pon camareiros tamén. Non pode ser que os pobres homes andiveran a mil sen dar atendido á xente.

Despois de pagar (ainda non sei porque non marchamos sen pagar), fomos tomar un xelado á xeladería Colón (incrible o de iogur de plátano) e á Fundación Caixa Galicia á exposición de Diego Rivera.

O itinerario previsto fai unha visita por todo o edificio, que ainda é descoñecido para a meirande parte dos visitantes (nós tamén claro) e inclúe a subida no ascensor exterior, baixando despois pola escaleira.

Defraudoume un chisco, porque as salas parecéronme algo pequenas para as exposicións que tiñan dentro. se cadra é porque non teño moita idea.

Si que me gustou, como bo pailán, o paseo no ascensor, que ten unha porta na fronte (seica é para sair nun soto) e semella que vai abrir no pior momento.

Non llo recomendo ós que teñan moita vertixe. As exposicións si, que teñen que subir só catro pisos.

A simplificación como erro.

2006-05-01T12:30:00.000+02:00

Comezo isto avisando que hoxe tentarei non ser simple de mais, pídovos apenas un pequeno esforzo.

Temos o costume, xa hai tempo, na cultura occidental-audiovisual, e nomeadamente na televisión, de simplificar todo, mesmo en exceso. Simplificar, moitas veces, por ir rápido de mais.

Esta simplificación herdouna a rede, ainda que tamén herdou parte da reflexión da prensa escrita, pero arestora tamén os xornais están infectados por esta doenza. Eu mesmo, fago sempre entradas moi curtas para non cansar ós visitantes, acostumados á brevidade.

Está ben a brevidade, pero ás veces é necesario alongar un pouco a explicación para que non se produza un erro de comprensión que desvirtue totalmente a mensaxe.

Esta mesma simplificación lévanos a dividir a xente e os feitos en categorias moi simples que (pensamos que) nos permiten abranguer o coñecemento.

O problema, é que o compañeiro de viaxe da simplificación é o prexuizo. Todo o que non coñecemos en profundidade reducímolo a tres tópicos mais ou menos axeitados, que co uso repetido nos medios de comunicación convírtense na realidade.

Un exemplo disto, que atopei no Chuza!, é a utilización do estudo sobre o blogomillo do grupo de Novos Medios da USC que fan en A Nosa Terra.
Non é o mellor exemplo, pero utilízoo porque está moi preto e será doado de entender por todos sen que eu teña que explicar nada antes. Ainda que o propio sería poñer un exemplo televisivo, moito mais abundantes.

Cando lin o estudo, que xa dixera no seu día que me gustou moito, decatárame que o universo do estudo non era o mellor desexable (ainda que fora o mellor posible). E xa daquela supuña que non se tería en conta ó utilizar o estudo por terceiros a diferenciación que despois estableceu Calidonia entre BlogoMILlo e BloG-ESfera. Non se pode culpar disto ós autores do estudo, que deixan ben clariño de que están a falar (ollade a imaxe), senon da simplificación por terceiros (á que me estou a referir eu). Sen mirar mais que ós resultados do estudo, dise que os blogues galegos son tal ou cual cousa, e teñen unha determinada ideoloxía, e escriben en galego, e tal. Esquecen totalmente que existe, maior ou menor unha BloG-ESfera. Abofé que está feito sen maldade, o problema ven, porque os medios de masas son a única vía de información de moita xente e se convirten na "realidade". E non especialmente neste pequeno erro que comete A Nosa Terra, senon na simplificación sistemática e total da televisión.

Non é desculpa que o faga o todo o mundo, a preguiza é mala compañeira de camiño. E estou incluíndome na lista dos culpables de simplificación.
Non digo que sexamos profesores universitarios todos, que a cousa non é para tanto, só que tentemos afondar un chisco mais.

Agora, cando eu faga o mesmo vanme quedar quentes as orellas. Seica falei de mais, ghe, ghe, ghe.

Partido en Riazor

2006-04-30T12:29:00.000+02:00

Como xa saben os que me coñecen, non son "fuboleiro". Porén, son celtista.

Por iso, cando chegou o partido co Deportivo pregunteille a un coñecido se tiña sitio no seu palco para onte.

Xa saberedes que o partido rematou 0-2, o Celta, ainda que na primeira parte xogou bastante mal, tivo a sorte de cara e marchou para casa cos 3 puntos.

Eu quedei encantado co resultado e tamén ca experiencia do palco.
Ver o partido nun asento cómodo , cando eu estiven 10 anos de neno sentando no cimento en Balaidos, foi un bo cambio.
Tiña ós celtarras case enriba de min, e sentíame como na casa. Dicir que os deportivistas cos que vin o partido foron moi agarimosos (pouco se puideron meter comigo no medio tempo, que xa gañaba o Celta). Ainda así contivenme bastante, non celebrei os goles.

A sensación mais estrana, foi polo camiño ó estadio, só arrodeado de deportivistas, cas súas camisolas, non era medo, pero foi unha sensación rara, como de estar fora de lugar.

A segunda foto é do pasillo de entrada ós palcos, téñeno montado a todo trapo, con azafatas e todo. Mágoa que, o ano que ven xa ameazaron con non convidarme, seica non lles trouxen sorte. (sempre andan dicindo pro ano que ven, e chega outro ano e pasa tamén)
E coma sempre, o de sempre...

Equipa presidencial de rezo

2006-04-29T11:14:00.000+02:00

As novas na rede móvense en ondas. Xa era sabido.
Onte, via IM, o amigo Voloi mandoume unha ligazón ó meneame (xa sabedes, como o Chuza! en castelán) para unha historia que falaba do Linux, esa ameaza para o Grande Imperio, xa traducida ó castelán. Hoxe, á mañá, antes ainda de que eu a traducira ó galego, atópoa no blogue Estrela Negra, (un choio menos para min).

Non penso que sexa un fraude, porque vendo a páxina do tal turned-off-brain-Shelley, atopo outra xoias similares. Non me vou parar no marabilloso comentario sobre sexo oral (Oral sex: Moral Decay) que ben lle chega, prefiro falárvos do rezo organizado.

Á fin, xa sabemos porque os EU son o maior imperio do mundo: A Equipa presidencial de rezo.

Nun pais tan relixioso coma os EU, non podían desbotar unha parte tan importante do seu potencial, e teñen organizado o rezo "Mobilizando millóns de americanos para rezar a cotio polo Presidente, os nosos Líderes, a Nazón e as nosas Forzas Armadas"

Mesmo teñen merchandising para apoiar a equipa, ainda que isto non é nada novo. A miña aboa trouxerame un ladrillo pequeniño no que se lía: en Fatima recei por ti.

Nesta fotografía podedes ver ó noso Líder Mundial. Semella que está a pedir desculpas, eles puxeron a foto como se estivera a rezar. A verdade, eu penso que esta foto é coma aquela de Fraga na que aparecía a durmir no Parlamento. ¡Moito descanso precisan os grandes líderes mundiais!

Mais nada, irmáns.
Que Deus vos bendiga, e tereivos presentes nas miñas oracións.

Indefensión

2006-04-28T19:22:00.000+02:00

Esta é a imaxe da indefensión.

Unha imaxe, na rua, á vista de todo o que por alí pase.

Neste caso trátase dunha tenda de fotos en O Grove, que ten, coma tantas outras, o costume de expoñer o seu traballo.

¿Que culpa terá este rapaciño para que todo o mundo o poida ver?

Que o vexan na rede tanto terá, que ninguén o coñece. ¿Pero na súa vila?

Eu teño tamén algún recordatorio gardado na casa dos meus pais, sorrindo cun dente fanado, e fotos en Castrelos con cara de andar encabuxado. (Home, eu quería ir xogar cos amigos e tiña que estar facendo fotos. ¡Xa me diredes!)

Pero este neno, con esa pose de ...¿latin christian lover? ¿mariñeiro ligón? ¿precoz pederasta relixioso?

¡O que tal faria este rapaz noutra vida para merecer isto!

Voulle recomendar ó rapaciño unha ligazón.

Converxencia e competitividade.

2006-04-27T21:22:00.000+02:00

Uns anos xa, levamos metidos na lea da converxencia co resto da Unión Europea. Decote se nos ven dicindo que os salarios non deben medrar do xeito que medra o IPC para non perxudicar á competitividade. Apélase ó compromiso dos traballadores co futuro do país

Todo isto estaría moi ben, mais...

A única competitividade que demostran os nosos políticos é no tema da corrupción, nomeadamente no exemplo de Marbella (por non vir mais preto).

Se eu dixera que algún politico é un corrupto sen ter probas, tería moitas probabilidades de ser xulgado (con razón, que para iso está o Estado de Dereito).
Se un diputado ou un senador dixera o mesmo de min, tería moitas probabilidades de non ser xulgado (con razón, para protexer a súa condición de voz do Pobo e a súa dignidade como tal).

¿Con razón? ¿Dignidade? ¿Voz do Pobo?

É demagóxico dicir que os políticos son todos uns chupóns.

Non é demagóxico dicir que O SENADO NON VALE PARA NADA.

Non é demagóxico dicir que CADA PESO GASTADO NO SOLDO DOS SENADORES É UN PESO ESTRAGADO.

¿Con que cara vai vir ningún senador do PSOE a pedir o voto nas vindeiras eleccións?

¿Que competitividade é esa de marchar do traballo para ir á casa para ver o futbol?

¿É demagóxico pedir unha sanción para eses informais?

Desculpade que me poña serio, pero, xusto antes da campaña da Renda, que estes chupóns fagan isto é unha chamada á insumisión fiscal.

Non importou o que votara a xente nas ultimas eleccións, na votación do Senado, onte algúns senadores do PSOE marcharon para casa e o PP gañou a votación. Como o Senado non vale nin para (poñede aquí o que queirades) todo se arranxará sen problemas no Congreso.

Repito, CADA PESO GASTADO NO SENADO ESTABA MELLOR GASTADO POR EXEMPLO EN PAGARLLE A CASA Ó PRINCIPE por dicir algo REALMENTE útil.

Xa está, tiña que dicilo.

Mais V

2006-04-26T18:03:00.000+02:00

Eu tamén fun ver V esta fin de semán. Aproveitei que a pasaba en Vigo para ir ó cine, entre outros, con Turuto.

Gustoume. É certo que xa van moitos anos que lin a obra orixinal, (agora contarei cantos) pero polo que eu lembro, a mensaxe está mais preto do que eu agardaba dos Wachowski.

Lera V hai 15 anos, cando estaba estudando COU. E no mesmo ano tamén lin Watchmen. Fun beneficiario da "Beca Turuto para o desfrute da Banda Deseñada".

No entroido, como bos frikis, disfarzámonos de V. Estáme mal o dicilo, pero estaba bastante ben feito, ainda que a única imaxe existente non faga xustiza.

Puxemos o traxe dúas veces, pero á segunda volta, como xa sabian que eramos nos , puxemos por baixo este outro disfarce: o de Rorschach, a personaxe de Watchmen.

Algún dirá que somos moi frikis. Non llo vou negar, somos bastante esaxerados.

O pior, é que o traxe de V o levaba tamén outro que viña con nos, e non lle dixéramos que levábamos o de Rorschach debaixo. Si, tamén é verdade: somos un par de rabudos.

Houbo só unha persoa entre a xente que atopamos, unha rapaza, que recoñecera as persoaxes. E claro, soubo que os Rorschach eramos os mesmos que antes eramos V. ¡Case tan friki coma nos!

Чернобыль: Chernobil

2006-04-25T16:58:00.000+02:00

Mañá fan 20 anos do accidente de Chernobil.

Non vou falar da enerxía nuclear, porque é un tema no que o meu descoñecemento podería encher océanos, pero quero lembrar ós herois de Chernobil.

Despois do 11 de setembro (o do 2001, non o do 1973) os medios americanos, e do resto do mundo, fixeron unha louvanza extrema dos bombeiros de Nova York. Tiñan razóns, eles e moita mais xente arriscou a súa vida desinteresadamente.

¿E os bombeiros de Chernobil? Poucas veces vin na televisión que se falara desta xente, e mais dos "liquidadores", a xente que limpou a zona e construíu o sarcófago. Dos bombeiros non veredes fotos actuais, morreron todos. Dos liquidadores, non sei se algún non ten cancro, moi sano non debeu ser facer ese traballo.

Seica non lles contaron o perigo real do que estaban a facer, (non lles contaron que iban morrer todos, vaia) pero supoño que saberían que era algo moi perigoso. Un deles contaba que sentira un gosto a metal e como unha chea de agullas na cara. Con menos diso, na marvel facían un superheroi. ¿Que faríades vos no seu caso? ¿Subiríades ó alto da central para tentar apagar o lume? A ninguén se lle pode obrigar a tanto sacrificio. (E pensade que esta xente con cría nunha vida alén da morte)

Esta foto pequena é dun monumento ás vitimas da traxedia.

Grândola

2006-04-25T16:28:00.000+02:00

Hai xa moitos anos, un profesor, do que non teño moi clara a súa filiación ideolóxica, nunha clase de galego en 7º da EXB puxo, nun magnetofono, "Grândola, vila morena". Non foi un momento máxico, nin parvadas disas, pero si quedoume marcada a data e mais a canción. É o aquel que teñen as revolucións incruentas.

Durante un tempo, non preguntedes o porqué, dábame por cantar esa canción cando tiña que camiñar baixo a choiva. (Ollo, non cantaba antes de que comezara a chover, e cantaba baixiño, así que non era o culpable de que chovera). Supoño que poñerlle letra e música á democracia e á igualdade non é tan doado, se fora, todo o mundo podería facelo.

Grazas Zeca, onde esteas.

Creativos Comodóns

2006-04-24T19:27:00.000+02:00

Podedes chamarlle se queredes homenaxe ou podedes chamarlle outra cousa, eu vou chamalo: CREATIVE COMMODONS que semella o Creative Commons pero non é o mesmo.

Fusilar así unha imaxe, sen atribución nengunha da idea orixinal, é bastante común na publicidad, pero é botarlle algo de cara. ¿Que opinades vos?

A imaxe publicitaria é da empresa Broker's Finance a outra, xa vedes que é da edición española dos Jovenes Titanes, non a sigo, así que non vos podo dar opinión dela, abofé Zeke poderá contarvos algo dela.

Extrarradio

2006-04-23T18:18:00.000+02:00

Hoxe, viña no coche oíndo o Extrarradio e entereime do tremor.

Non me enterara porque esta noite paseina en Vigo, pero seica oiuse un estoupido coma un trebón.

Tamén contaron que houbo unha olimpiada de porcos en Moscova, e andiven na percura desta nova na rede pero non puiden atopala. Seica os xogos incluían carreiras a pe(zuño) e a nado e futbol (ca pelota mollada en aceite de peixe).

Non dixeron se os porcos tiñan que pasar control anti-dopaxe, mais si dixeron que os deporcotistas non serían destinados ó consumo humán.

¿Para cando as PorcOlimpiadas pasarán a ser de interese xeral?

Recomendovos que escoitedes Extrarradio se podedes, os sabados e domingos á mañá. É unha boa mostra da "nova" Radio Galega.
Comprendo ben ós que non a escoitan, pero se probades, penso que repetiredes. Hai novos programas, dos que me cadren a min (normalmente no coche) tamén aberto por reformas e as quimbambas.

Extrarradio está presentado por Belén Regueira, que lembraredes se seguíades o Chambo, e ultimamente andaba nos informativos da TVG. Entre os colaboradores habituais está Martin Pawley, que xa todos saberedes que levou o premio do periódico 20 minutos ó "mellor blogue nunha lingua constitucional distinta do castelán". No seu blogue comenta do programa deste sábado

Outra foto da meniña

2006-04-22T14:15:00.000+02:00

Onte xa coñecín á miña nova sobriña Irene.

Deixo unha nova foto que lle fai mas xustiza. está ca súa irmá María, ainda que a difuminei para que non a paredes na rua.

É ainda mais bonita do que semella na foto. A outra non a vedes ben, pero tamén é. Teño que dicir o mesmo das outras dúas. Non as poño porque xa son maiores e teñen a súa vida.
(É tan dura a vida dos adolescentes)

o domingo é 23 de abril

2006-04-21T18:22:00.000+02:00

Lembro, lendo o blogue de torredebabel, que o domingo é o dia do libro. Xa tamén avisaran Eva e Melo .

Os que me coñecen de mais lonxe, a miña familia, tíñanme de neno polo que chaman un rato de biblioteca. Foi se cadra a primeira manifestación da miña intensidade compulsiva (a ultima seica é este blogue).

Cando estaba a ler botábame días enteiros sen facer outra cousa, sen sair da casa. Sentaba polos sofás da casa, pasaba dun cuarto a outro tirábame no chan, deitábame na cama. Puña música, a quitaba. Queimaba as pestanas, pero mataba ó libro polo camiño. Se cadra é unha consecuencia da miña curiosidade: ¿que pasa despois? ¿como remata o tema? Tampouco o remate me chegaba, quedaba cunha saudade por perder a compaña do libro que matara, de aí me ven, supoño, o gusto polas series de libros, que rematan e voltan comezar.

Por isto, o día do libro, cos seus descontos nas librerías, era un día grande para min. Saía a rua e revolvía os anaqueis das librerías, sen falar con ninguén na percura dalgún tesouro agochado.

Este é un costume que perdín, pero seica esta fin de semán mercarei algo de Banda Deseñada en BD! a ver se volto ós vellos costumes.

A foto é unha parte da miña libraría adicada á banda deseñada.(moito medrou este ano)

Recomédovos, se non é o voso costume que lle fagades gasto ós libreiros que perden de descansar por vos vender algo de cultura. E lembrade que mercar nas librerías tradicionais favorece á pluralidade e a non concentración das canles de distribuzón. Só por poñer un exemplo, lembrade o que pasaba en Galicia na dictadura, e como os libro seguían chegando ó que estaba interesado, ainda que fora ás agachadas. (Pero isto é tema para outro día)

Quen é quen no blogomillo

2006-04-20T20:51:00.000+02:00

Onte, mentras moitos blogueiros galegos pasaban o día xuntos en compostela no enblogs, eu estiven tentando achegarme pola rede ó que alí pasaba.

Non era bo momento, hoxe si que o puiden facer no blogue de Calidonia, que fixo unha estupenda crónica, e no flickr deixaron fotos, se as queredes ver.

Engado iso despois de ler no blogue de Brétemas que Arvpart recolleu as ligazóns a varias crónicas do acontecimento.

Porén, si que estiven vendo parte dos contidos, nomeadamente o estudo do grupo de investigación da USC de novos medios, podedes atopar ligazóns ó estudo completo e mais ó grupo no blogue do enblogs

Pareceume moi interesante, ainda que supoño que non todo o mundo opinará o mesmo.

A única queixa, que non é unha queixa, está na materia prima, no universo escollido.

Entendo as limitacións técnicas e mesmo persoais e de medios que impiden unha maior extensión do mesmo, pero así o estudo limítase a un grupo bastante homoxeneo, especialmente no tema ideolóxico. É un estudo do blogomillo e non da blogosfera galega. Non é unha cousa que se agoche, e mesmo se menciona no propio informe, non estou a falar mal deles, só me estou a laiar de que non sexa posible, cos medios actuais, un estudo mais ambicioso. Ademais, se tentaran estudiar mais blogues, se cadra, a caducidade dos datos (cun crecemento virulento dos blogues en todo o mundo, e tamén en Galicia) os deixaría fora de xogo.

Ainda así parabéns polo traballo.

Versión en galego, ¡XA!

2006-04-19T19:19:00.000+02:00

Hoxe no blogue de Hidrocube, atopei esta xoia musical.

Despois de vela, reparade como chisca o ollo esta rapaza cando di "lo otro".

¿Será que eu, como din na serie Los Serrano, teño a mirada suxa?

O video, ainda que o poida parecer, non está feito con finalidade humorística(?) e orixinalmente está sacado da páxina no mires mtv
Recoméndovos que entredes para pasar un bo rato, quero dicir, para que meditedes, mozos e mozas.

Mágoa que no meu tempo non houbera cancións fermosas coma esta para nos arredar de "lo otro".

Propoño ó Leo para facer unha versión en galego, é xustiño o seu estilo. (por dicir algún, moitos poderían facela)

Xa está aquí

2006-04-19T18:47:00.000+02:00

Hoxe, ás nove...

¡Xa naceu a miña sobriña Irene!

E viña con moita presa, ainda faltaban 2 semáns para que saira de contas e velaí, 3,750Kg.

O seu pai di que é preciosa. Podedes opinar vos mesmos. A foto é do telefono do pai.

Comparade a foto á hora e media, acabada de nacer, ca ecografía que lle fixeran o 24 de marzo.

Parécese mais do que eu esperara e ollade que o xeito de poñer a man é o mesmo nas dúas imaxes. (Xa se está a protexer das fotos).

Esta fin de semán coñecereina. ¡Non me corre o tempo!

Envexa

2006-04-18T20:30:00.000+02:00

Mañá, como cada día irei traballar.

E,mentres en Compostela...

Que pasa, ¿neste pais non se traballa, ou?

É o que técnicamente ten o nome de envexa...

e ademais envexa podre.

cambios na Blogaliza.org

2006-04-18T20:07:00.000+02:00

Desde hoxe, os blogalegos xa poden aloxar os seus blogues na blogaliza.org, pode ser que acabe traballando no apocalipsedoporco.blogaliza.org polo de agora non, ainda teño que lle coller o xeito ó wordpress. Se decido trocar o enderezo espero que sexa xa o definitivo, alomenos por unha tempada, que xa sería o terceiro enderezo en seis meses.

Esto de aqui abaixo é só unha imaxe, pero se premedes nela iredes parar á Blogaliza. Boa viaxe.

Craig McCracken

2006-04-17T20:27:00.000+02:00

Hoxe vou falar de Craig McCracken, é o creador das "Super Nenas" e mais da "Casa para amigos imaxinarios da señora Foster" as dúas series son para nenos, pero non trata ós nenos coma se foran parvos, son divertidas e teñen unha imaxe moi atractiva, a consecuencia de todo iso gustan tamén ós maiores.

O ano pasado descubrín no Cartoon Network a Foster's que agora poñen na Cuatro e encantoume.

O Bloo é tan rabudo como boiñas son as super nenas (agás cactus, pero ainda así non é revirada).

Deixovos aquí unha ligazon a unha entrevista co Craig, un xogo de damas con Bloo e o seu amigo Mac e aquí abaixo un pequeno anuncio da serie (en inglés, non atopei nada no YouTube en castelán, ainda que tampouco busquei moito) Se vos gustan, podedes velos ás fins de semán á mañán na Cuatro ou no Cartoon Network para os que o teñan.

Cousas de nenos

2006-04-16T18:46:00.000+02:00

Durante a semán pasada, lin este libro de banda deseñada, que me recomendara Melo (ainda que mo regalaron por facer anos).

Conta unha historia sobre sindicalismo católico no agro francés.

Xa sei que estaredes pensando: ¡Uau, Ghanito, que emocionante! ¿E hai moito sangue? ¿Cando aparece Superman?

Para os que leran algunha vez banda deseñada adulta pódelles parecer atractivo ou non (a historia está moi ben, ainda que a resumira así para resultar chocante) pero para os que asocien a banda deseñada ca dirixida ós nenos ou ós adolescentes pareceralles raro.

Ainda que os afeccionados moitas veces semellen nenos que non medraron, moitas das mellores creacións de banda deseñada van dirixidas ó publico adulto.

Este é o caso de Les Mauvaises Gens de Etienne Davodeau publicado (moi ben ainda que Alvaro Pons queixase da tradución, e seica ten razón) por Ponent mon en castelán como La mala gente.

Unha boa oportunidade para o que lle guste a arte social, de descubrir que a banda deseñada non é só para nenos.

Darth Vader e os seus problemas ca policía

2006-04-15T01:18:00.000+02:00

Na casa de Turuto, despois da (moi sabrosa) tarta de chocolate e laranxa de Vilas estivemos a rir un cacho con este video do Darth Vader. Sacámolo direito do YouTube, pero seica está tamén en El Rellano.

Non riades moi alto se estades no traballo.

Duelo de chefs

2006-04-14T19:32:00.000+02:00

Hoxe, en Narvia, gran duelo de chefs.

Enfrontase Vilas, pero non da familia de cociñeiros de sona, senon dos Vilas' Pipol, con Almu.

Ainda que, á fin todo queda nunha colaborazón, e non hai gañador e perdedor.

Dicir que Vilas foi o cociñeiro persoal dos Prodigy cando estiveron por aquí. Hoxe probaremos o mesmo pastel que lles fixera a eles. Xa vos contarei.

A terceira na foto é Yosi, dos Vilas' Pipol

Tarefas pendentes

2006-04-14T18:58:00.000+02:00

Os que sigan o que aqui poño, decataríanse de que onte non puxen nada. Xoves santo. Había que descansar. Mais ben o que pasou é que estaba lonxe da conexión á rede.

Hoxe, ocupándolle a casa ó Turuto conéctome un segundo para poñerme ó día...

Primeiro, solidaridade cos embaixadores galegos no estranxeiro, que non fan ferias estes días. Outras cousas boas terédes, ¿non sí? Como dirían os meus xefes cando non me dan o incentivo anual, xa tendes fillos e iso é un premio ainda maior. (Eles non din nada dos fillos, pero a idea ven sendo a mesma)

Segundo, dicirlle ó Acedre que penso que a NASA si chegou á Lua. Pero non só grazas ós Americanos, lembrade que os responsables dos propulsores eran Wernher Von Braun e a súa forma de traballar era perfeccionista ate o aborrecimento, probaban cada fase antes de empezar a seguinte, por non falar da súa disciplina (¿nazi?).

E terceiro, para rematar porei unha foto mais clara da persoaxe que noutra mensaxe anterior non conseguíades adiviñar ainda que supoño que nenodanorita non o dixo porque non quixo.

É Manuel Baltar, parlamentario populer galego e blogueiro (que non bloqueiro)

Puxen esta foto porque as mesas dos maristas de Ourense son iguais cas de Vigo que eu vivín catro anos.

Юрий Алексеевич Гагарин

2006-04-12T16:47:00.000+02:00

Hoxe cúmplense 45 anos do día no que Iuri Gagarin saiu da Terra para dar unha volta, ascendeu ó ceo e chegou á fama absoluta. Era, nos paises do leste tan popular coma no oeste foi Neil Armstrong, porén a historia de Gagarín acaba tráxicamente no ano 1968, ó estrelarse o Mig-15 que pilotaba.

A resultas da guerra fría, Gagarin non é tan lembrado no oeste como debería o primeiro cosmonauta. De feito, na Wikipedia galega non aparece cun artigo de seu, como si aparece Armstrong.

Dito isto, falar de Vladimir Sergeyevich Ilyushin, que seica din que saíu ó espacio 5 días antes, o 7 de abril pero non lle deron publicidade porque a súa nave fallou e aterrou en China, onde o retiveron un ano. Para evitar a vergoña internacional, condenaron a este outro home ó anonimato.

Coherencia

2006-04-11T18:44:00.000+02:00

A Xerarquía da Igrexa Católica, na persoa do bispo de ourense, laiouse de que o Partido Popular apoiara a voda do seu membro José Araujo ca súa parella Nino.

Dixo, mesmo, que a cerimonia entristeceu e conmocionou ós católicos.

E digo eu...¿a que católicos?

tamén advertiu aos dirixentes políticos que se declaran cristiáns da súa obriga de "non asumir propostas" que contradigan a doutrina da Igrexa. "O contrario sería, entre outras consecuencias, causa de grave escándalo"

E digo eu...¿escandalo para quen?

Por outra banda, a conferencia episcopal, ve a España sumida nun exasperado pansexualismo

E digo eu... Pansexualismo tes ti, meu.

Ó único que lle adican na Igrexa (e falo da súa xerarquía) as súas preocupacións son ós temas sexuais.

¿Non é a cobiza un pecado capital? ¿non é mais doado que un camelo pase polo ollo dunha agulla que un rico entre no ceo? E logo, ¿proibiu o Vaticano que os curas tiveran posesións materiais? Non, proibiu os homosexuais. Xa sei que é demagóxico, pero quero facer notar a súa incoherencia tan esaxerada cando aparece o tema sexual. Para a proxima o falaremos do control da natalidade, porque "crecede e multiplicadevos" non permite os condóns e por contra "non matarás" si que permite a pena de morte. ¿Será que o tema do sexo mírano diferente?

A Igrexa (Povo de Deus) vai por un camiño e a súa xerarquía por outro, se cadra moitos deberían de matinar un pouco, se están no Povo axeitado, ou alomenos facer algo por cambialo, e non ir coma unha ovella.

¡Que ben me aprenderon os curas e as monxas! :-D

¡¡¡¡¡¡Tratorada!!!!!!

2006-04-11T07:11:00.000+02:00

Este tema lémbrase menos veces do que eu penso que lle toca. Na miña opinión os Rastreros fixeron un dos mellores temas do que se chamou rock bravú.
Fedellando no YouTube atopei o video. Vese mal, pero a forza da música e da letra compensa a falta de calidade da copia. Ainda así, se alguén ten unha copia boa do video, que avise.

No myspace dos Rastreros podedes baixar unha copia mp3 do tema.

Video con David Bravo no Canal 9

2006-04-10T19:16:00.000+02:00

Poño aquí unha suxestión de Voloi. Debate en canal nou no que intervén, entre outros, o David Bravo (por se ainda non vos decatárades, son un fan):

E xa de paso, hai que ler o 20 minutos, que será de balde, pero semella que é serio e ben informado. Algúns outros tiñan que aprender...

Parlamentario galego

2006-04-10T17:12:00.000+02:00

Estas dúas fotografías están collidas da rede. Non vou dicir onde as collín para non dar mais pistas, pero podo dicir que é un parlamentario galego, licenciado en Dereito, con tres Masters e cunha chea de cursos e diplomas.

A foto da guitarra titúlase unplugged, pero non sei porqué xa que leva o cable enchufado.

Adxunto os seus cargos no PP-G:

CARGOS ORGÁNICOS. PARTIDO POPULAR:

2000-2006:
- Membro do Comité Executivo Provincial do Partido Popular de Ourense.( Congresos XII, XIII e XIV).
2000-2002:
- Coordinador da Área de Acción Política do Partido Popular de Ourense.
2002-2004:
- Secretario da Área de Acción Política do Partido Popular de Ourense.
2004- 2006:
- Coordinador Orgánico do Partido Popular de Ourense.
2000-2006:
- Membro da Xunta Directiva Provincial do Partido Popular de Ourense.
2000- 2005:
- Responsable de Movilización Electoral do Comité de Campaña do Partido Popular de Ourense nos Procedementos Electoriais Celebrados.
2001-2006:
- Membro da Xunta Directiva Rexional do Partido Popular de Galicia.
2002-2003:
- Membro do Equipo Redactor do Programa do Partido Popular de Galicia para as Eleccións Locais 2003.
2002:
- Coordinador do Grupo de Traballo do Partido Popular de Galicia sobre a Ponencia "ESTATUTOS" do Congreso Nacional do Partido Popular.
2004:
- Presidente da Mesa do Congreso para Elección de Xunta Local no Concello de O Carballiño.
2004:
- Vicepresidente da Mesa do Congreso para a Elección de Xunta Local no Concello de O Barco de Valdeorras.
2005:
- Presidente da Comisión Organizadora do Congreso Local do Partido Popular de Verín.
2006:
- Membro da Comisión Organizadora do XIII Congreso Rexional do Partido Popular de Galicia.

Estoume convertindo nun brando, esta si que é doada. ¿Quen é este UNPLUGGED?

¿Propiedade? ¿Intelectual?

2006-04-09T21:06:00.000+02:00

O Xuris-filósofo Teddy Bautista nunha conferencia da que non teño o texto integro di que "a propiedade intelectual é a mais sagrada que existe"

É estupendo que diga isto:

"la 'propiedad intelectual' es la 'más sagrada' que existe, por encima de la 'privada', ya que 'no hay nada tan personal como la formulación de las propias ideas'."

Ten razón, a LIBERDADE DE EXPRESIÓN é mais importante que a propiedade privada, ou podedes pensar que non, cada un que pense o que queira, pero hai que chamarlle ás cousas polo seu nome e non andar enganando á xente. ENGANANDO, non é o mesmo a propiedade intelectual que a liberdade de expresión.

El o que está a defender sempre, é a parte económica dos dereitos de autor, porque o resto de dereitos protexidos pola propiedade intelectual non se ven danados pola distribución entre iguais (P2P). Agora, misturando todo, ca liberdade de expresión non fai mais que embarullar, e a súa mensaxe chega a xente que non ten porqué coñecer estes conceptos, ainda que supoño que el si os pode diferenciar, ¿non si, Teddy?

"El presidente de la SGAE confía en la posibilidad de acabar con la 'piratería' desde la ley y aseguró que en su momento la aparición de la radio 'fue un cataclismo mucho mayor que el de Internet'."

Supoño, que a difusión da música pola radio foi negativa para espallar a música e o negocio da SGAE. ¿Serán certos os datos que din que os artistas vense beneficiados da distribución pola rede?Porque, se a radio foi un cataclismo ainda maior...

¿Alguén pensa que o modelo de negocio actual das discográficas podería funcionar sen radio ou televisión? E foi un cataclismo, mira ti.

Atopei esta referencia no sempre recomendable blog de David Bravo.

Xa non vou falar das queixas do PP contra da "pirateiría", pero sabede que teñen medo que cale a idea da cultura gratuita (o demo) Non sei se quitar a licenza CC do blogue, que me van excomungar.

E para rematar unha coña, fusilada directamente do Blogue de David Bravo:

"Las descargas de Internet son más malas que qué

"El otro día unos 'manteros' nos decían que teníamos que trabajar juntos para erradicar la piratería en Internet, porque estaba afectando también a su negocio, y es que se ha notado un desplazamiento de la piratería del top-manta a Internet".

Antonio Guisasola, presidente de Promusicae

Es difícil comentar este comentario, pero por el momento se me ocurre que si el Top Manta es aquello que financia terroristas, narcotraficantes y demás satanases, esto que cuenta Guisasola es una buena noticia ¿no?

P.D.: ¿Se imaginan a los manteros muy enfadados acudiendo a PROMUSICAE para que acaben con los que se bajan música de Internet? Parece sacado de La Hora Chanante."

Xa vedes o que tal hai, mellor rir que chorar.

Pandora

2006-04-08T13:04:00.000+02:00

No blogue de Manuel Gago, Capitulo 0, do que xa puxera aquí algunha ligazón, saco a miudo cousas interesantes.

A ultima foi o Pandora. Un aparello web 2.0 que fai unha escolma de cancións partindo dun grupo ou canción que ti lles fixeras previamente, así creas unha canle de radio persoal. Parece ser que hai unha equipa de xente clasificando os temas de forma manual, por iso o acerto e bastante elevado.

Dous fallos, a musica terá que ser americana ou inglesa, que é o que eles andan a clasificar (polo de agora) e hai que se rexistrar cun zip code USA (se queredes gardar as vosas emisoras) non hai fallo, porque os codigos os sacades da rede, o meu penso que puxen 10001 (NY,NY) non lembro se leva mais ceros.

Acabou o de non descubrir musica coma a que queredes escoitar. (Eu xa non asubío mais)

A voltas cos tradutores...

2006-04-08T12:35:00.000+02:00

Xa vos dixen que o tema era atraínte para min.

Probei, seguindo a suxestión de Cruzul o Apertium. A maiores de ser código aberto, está feito pola UVI e, coma antigo membro, téñolle moita lei.

A idea de Cruzul non era traducir do castelán ó galego, porque a maioría dos que falamos galego entendemos o castelán, a idea era facelo ó revés porque así poderíamos chegar ós que falan castelán e non galego.

A experiencia non foi moi positiva. Non hai moita intelixibilidade, no que inflúe tamén que non se entenden o blogger e mais a maquina do tradutor cando hai un til, o tradutor pon simbolos estranos e dificulta moito a comprensión do escrito.

Supoño que o tradutor estará optimizado para traducir do castelán ó galego, non sei. Se esa é a idea, non penso que vaia a acadar unha utilización masiva.

Toda esta lea contra o tradutor empezou esta mañá, cando atopei no contador un australiano que chegara cunha ligazón rara: un tradutor. Non sei o homiño que idiomas tentaba traducir, mais non lle traduciu nada. Vai ter que seguir algun curso de galego ( a , b, c, d )

CiberIrmandade da Fala

2006-04-07T17:45:00.000+02:00

Hai uns días engadín unha ligazón no costado ó obxectivo da CiberIrmandade da Fala, se cadra algún xa se decatara.

A CIF é un grupo creado no 1996 para defender e espallar o galego na rede. Na ligazón que puxen, pódese mandar un correo a algunha empresa ou institución pedíndolle como cidadán, consumidor ou usuario, que empreguen o galego na rede.

Visitantes

2006-04-06T21:34:00.000+02:00

O contador é unha boa cousa que teñen os blogues.

Cando non deixan comentarios, os visitantes non deixan pegada do seu paso. Non sabes se alguén está a ler o que dis.

Ainda que cada un terá as súas razóns para adicarlle o tempo ó seu blogue, hai unha cousa supoño que común a case todos: queres que alguén vexa o que estás a facer. Pode ser que queiras que o vexan os teus amigos, un primo na Patagonia ou o mundo mundial, pero quererás que alguén o vexa, se non, non perdas o tempo e garda o teu blogue no disco duro.

Grazas ós contadores sabes canta xente (mais ou menos) entrou a ver o que ti puxeches, e serve de pulo para seguir a facer esta pequena contribución ó ruido (e ás veces tamén á información) que aboia na rede.

Outra das cousas que fan os contadores (para os que non o saiban, que ainda non todo o mundo ten un blogue) é dicir desde que páxina chegaron as visitas se o fixeron cunha ligazón, e o lugar onde está a súa conexión a internet.

Encántame isto, andar vendo se alguén puxo unha ligazón nalgures, ou se a xente chegou ó chou (algunha xente chega o chou desde o Blogger).

Ultimamente vexo que moitos brasileiros e portugueses chegan ca percura da combinación "lista da compra" por algo que puxen un día. Tamén un que chegou cunha percura de Turuto ¡desde Bélxica!

Visitantes que deixaron a súa tarxeta de visita foron: Acedre, torredebabel, ou Kiko Novoa (que deixan a súa pegada de embaixadores galegos na distancia e podo identificalos ainda que non digan nada) F.Míguez, Marinha de Allegue ou Mr Tichborne. O resto xa eran da casa: turuto, Voloi, aser, palonsfe, almu, Yosi, Jandrix, Anxo. E Zeke, agora xa é un mais na casa tamén.

Non teño o bo costume que teñen moitos de agradecer os comentarios de cada vez, ainda así , agradezoo moito.

Asi que, a todos, tamén ós que nunca comentaron nada, moitas grazas pola vosa visita.

Estades na vosa casa.

Canto mais interné mais pailán

2006-04-05T20:40:00.000+02:00

Tanto ver cousas na rede, enterarse do que pasa no mundo...

E ó fin descubro as cousas porque vexo que alguén e do mesmo sitio ca min.

Contovos como vai o tema...

Entro no blogue de torredebabel(fios invisibles) (que adoito ler) e fala dunha conversa xurdida noutro blogue, o de folerpas(alfaias) que tiña boa pinta. Polo de agora nada novo.

Entre os participantes na conversa (chea dunha sensibilidade e poesía a que non dou chegado, nin sequera cando o teño tentado) atopo a Veloso(Rei de Copas) que resulta que estudou no Fleming coma min, (ainda que non o coñezo porque ten catro anos mais ca min). Entón vou ó seu blogue (polo que xa algunha vez pasara) e descubro que é escritor e que o seu blogue está moi ben. En realidade, lino desde o seu comezo (ainda que deixei as historias de Silvaoscura para ir lendo ós poucos). Non é mágoa que entrara polo que entrei, é mágoa que se non fora por iso igual non lle prestaba atención

A miña recomendazón de hoxe, non importa como chegara.

Banda deseñada no congreso

2006-04-04T21:49:00.000+02:00

Hoxe, chégame por correo, reenviado por turuto, esta ligazón á gravación sonora dunha sesión do congreso.

É a proposta dun premio nacional de banda Deseñada, proposta polo grupo socialista e con enmendas, entre outros, do BNG. Paco Rodriguez menciona hitos da banda deseñada galega, como Castelao, Miguelanxo Prado, BD Banda, as xornadas de BD de Ourense, viñetas desde o Atlántico, e outras.

Tamén menciona a AGPI e fala da dificultade dos ilustradores para traballar desde Galícia. ¿Haberá que emigrar habendo Internet? Tan triste como certo, nada cambia.

Incluso falando dunha cousa tan divertida como pode ser a banda deseñada son aburridos.

Humor negro

2006-04-04T16:10:00.000+02:00

Teño que confesarvos que sempre tiven predilección polo humor negro. Hai pouco alguén me comentaba que lle abriran a cabeza para sacarlle un hematoma do cranio. Cando me dixo que o operaran con anestesia parcial díxenlle: ¡Ah!, logo oiche cando dician, ¡doutor, perdémolo!

Eu son así, díxenllo porque xa pasara a operación e estaba mellor. Non lle faria o mesmo á súa viuva se chegara o caso. Mais no tanatorio de Ourense sonche piores ca min, se non o credes, ollade os chisqueiros que andan a regalar para facer publicidade (si, publicidade, o negocio chegou ó reino da morte).

Podedes atopar a historia na edición de hoxe de La Voz de Galicia. En galego grazas a Vieiros

Por certo, no chisqueiro trae o teléfono por se queredes ir facendo unha reserva.

Eu, igual que fago sempre, esperarei ó último intre. (Neste caso será o derradeiro intre)

Analisando o blogomillo

2006-04-03T23:01:00.000+02:00

Hoxe vou recomendar o blog de Calidonia, que esta a analisar o blogomillo, alí atoparedes mais cousas, pero tamen datos sobre os blogues escritos en galego (ainda os escritos parcialmente).

Seica aumenta o número de mulleres, e cada día a idade media é mais baixa. Non sei se este dato terá que ver co aumento brutal do MSN Spaces, moi adaptado á estetica adolescente polo que eu vin(ó meu xeito de ver, claro, se cadra é que eu son un carca e non me decatara)

Deixo aquí unha grafica facendo uso da licenza creative commons de Calidonia:

Parabéns polo traballo.

Mais e mais doado

2006-04-02T23:20:00.000+02:00

Despois da foto de Vanilla Ice, que ninguén foi quen de identificar, vou poñer outra.

Esta, abofé que é mais doada que calquera outra que puxera antes.

Xa diredes...

Festa

2006-04-02T22:54:00.000+02:00

Onte celebrei con algúns dos meus amigos unha festa para celebrar, con un pequeno retraso, o meu cumpreanos.

Saíu ben (creo eu) e o pasamos bastante ben vendo videos de hai dez ou doce anos. Os agasallos foron dúas camisetas e varios libros de banda deseñada.

Paseino moi ben. Agardo que o resto tamén o pasaran.

Os parroquianos de South Park

2006-04-01T14:19:00.000+02:00

Onte recuperei os bonecos de South Park que fixera para algúns coñecidos e deixeinos no meu flickr por se a algún lle interesara.

Éste é o meu sogro.

Xa teño chapa

2006-03-31T18:01:00.000+02:00

Recollo a idea de Nemeth, e fago a miña propia chapa de alguacil-blogueiro.

Leva un indio porque teño mais de indio que de vaqueiro. Gustoume esta con eses raios que semella que está a amencer. Se queredes a vosa, dígovos como Nemeth, que entredes na fonte.

Non sei se ir a Warrenton e facer campaña por Acedre, que xa me ofreceu choio de alguacil se gaña.

Tamén fixen estoutra pequeniña. ¡Ainda vou ter que encargalas para poñer na camisa!

Xa van 7

2006-03-30T22:10:00.000+02:00

Onte, ca sorpresa da ligazón que había nunha nova de Vieiros ó meu blogue, esqueceume comentar que cumpríanse sete anos que traballo na mesma empresa (a única na que traballei, en realidade)

Non podo queixarme, non pagan mal, e o traballo non é moi duro. Se cadra preferiría traballar noutra cousa...igual que moitos outros, supoño.

Pois nada, xa van sete. (e os que ainda quedan).

Menceres e solpores

2006-03-30T21:32:00.000+02:00

Para o que, como me pasa a min, desfrute cas fotos de paisaxes con bonitas cores, deixovos aquí a ligazón á paxina flickr de John Adams - thepres6 un ghicho de Oakland (a terra dos carballos) en California. Ou podedes ir directamente á escolma das súas fotos mais interesantes. Había tempo que non deixaba unha destas ligazóns. Coma sempre, agardo que vos guste.

Vanilla Ice

2006-03-29T22:02:00.000+02:00

Hai uns días puxen unha foto de Robert Van Winkle. Pensara que era moi doado, pero xa vexo que non.

Ninguén se achegou, nin sequera o tentou.

Este home marchou como chegou, ainda que segue a facer "música" agora seica vai de "ghevi" (vivir para ver).

Hai xa ben tempo vira un video deste home tarareando a parte do tema Ice Ice Baby que sampleara de Under Pressure de Queen tentando facer crer á xente que non era o mesmo.

Nunca vira algo tan patético, non tempos previos á rede un facía o ridículo e non estaba ó día seguinte no You Tube. Mellor para él, supoño.

Super herois de parroquia

2006-03-29T21:40:00.000+02:00

Atopei hai pouco no marabilloso blogue de Ascarida, orballo unha páxina similar á de Calvin ou Hobbes pero que a min gustoume mais. Se cadra é porque estes dos pixamas gustanme (cando estan ben feitos, iso como todo).

É un cuestionario para saber que super heroi és.

Eu, se a algún lle interesa son Spiderman (nun 70%). Gustoume, ainda que sexa mais fan de Batman (a famosa Batman/woman é ascárida)

Abofé que fixen o descubrimento do ano para Zeke, pero o resto tamén podedes deixar a vosa identidade segreda.

O meu senso arácnido avísame dun perigo. Teño que marchar.

Xornais dixitais

2006-03-28T19:24:00.000+02:00

Recentemente, Vieiros introduciu unha nova ferramenta na súa páxina: pódese ler a edición dixital de:
La Voz
El Faro
El Mundo
El País
La Razón
La Vanguardia
El Correo
Libertad Digital
Cinco Días

Ainda non entrei en todos estes xornais, pero seica hai unha revisión manual das traducións, pero de primeiro, doulle as grazas á xente de Vieiros e dimensiona, a empresa co desenrolou, polo traballo.

Digo isto ainda que xa coñecedes a miña opinión sobre as traducións automáticas, pero certamente é un tema que me atrae moito, e sempre que descubro algo novo boto unha ollada se teño tempo.
E, asumindo o risco de que aborrezades disto, vou deixar aquí unha foto que fixo un invitado á miña voda (en Modariz, para rematar a semán de festexos).
Ainda que na foto non aparece o texto orixinal (en castelán), podedes deducir que a tradución non era moi boa, só tendes que mirar o de maquina e maquine ou o de fallow. O peor de todo é que usaran esto comercialmente, ainda que normalmente sucede ó revés e temos que ler incomprensibles traducións ó castelán (normalmente o galego non aparece nin como opción). Habitualmente é mellor ler directamente inglés se hai un coñecemento ainda que sexa escaso.

Tamén a semán pasada contaronme dunha xente que tentou facer negocios cuns chineses usando un traductor automático inglés-chinés. "sorprendentemente" non chegaron a un acordo porque non foron que de explicarlle parte das condicións do acordo ós chineses. Non sei porqué sería.

Se tedes tempo e ganas de ler estes xornais xa me contaredes que vos parecen.

Morbo

2006-03-27T21:55:00.000+02:00

Non sei de quen é a frase de que todos morremos sós.

Non estou moi dacordo, supoño que non é igual morrer só que arrodeado de seres que o queren a un. E a fin de contas morres igual, pero o pasamento supoño que será mais levadeiro.

Ven isto a conto da morte esta fin de semán de Rocío Durcal. Non admirei a esta señora en vida, pero a súa morte fixo que , cando menos a respetase. Só fago a comparación ca enfermidade que está a pasar a outra Rocio ("La más grande", ainda que lin o outro día que Rocío Durcal vendeu mais discos que ningunha outra artista)

O circo, a feria que se monta ó seu redor da algo de noxo. Non ela, nin a súa enfermidade, bastante desgracia ten de ter unha enfermidade grave. A xente que ten ó seu redor penso que fomenta ese abuso informativo-morboso que consumimos no televisor coma se nos mesmos non tiveramos vida propia. ¡Que diferenza con Rocío Durcal! Ó que lle gustaba puido chorar por ela, e ó que non deixouno en paz. ¿A quen carallo lle importa a vida desta xente, se foden polas esquinas o morren dun cancro? Polo visto a moita xente. ¿Con esta merda de sociedade que estamos a crear entre todos, que carallo ten narices de queixarse da perda dos valores e do botellón ? ¿Alguén se pregunta porque os mozos e mozas só lles interesa ser famosos, gañar cartos a esgalla e sair na televisión?

¿Por que será?

Adeus Rocío, non te quixen en vida, pero gañaches o meu respeto, ainda que fora por comparación.

Oportunidade política

2006-03-27T21:45:00.000+02:00

Leo na rede, nos comentarios ó sihomesi e o indymedia, que o alcalde (ese non, Javier Losada) vai manterse no erro e vai erguer de novo a bandeira no Orzán.

Se ese estilo vai ser o que impere no PSOE na negociación con ETA podemos darnos por fodidos e ben fodidos.

Aproveitando a desculpa do vento podía retirar a bandeira, e ninguén podería botarllo en cara, pero mira ti, para non cumplir promesas electorais ben que se amañan, pero para arranxar conflictos...Haberá que chamar a alguén mais diplomático para arranxar isto. (ah, iso tampouco vale, xa me esquecía)

Negocios

2006-03-26T19:53:00.000+02:00

Na estrada de Ponteareas a Mondariz, vimos un par de cousas que os da zona coñecerán xa. De feito non era a primeira vez que eu as vía.

O primeiro é unha consecuencia desa tendencia de facer as cousas canto mais grande mellor misturado ca idea que temos en Galicia de poñer calquera cousa onde nos sae do carallo. Non sei que pinta unha tenda de noivas no medio do agro, pero seguro que vai ben e todo, Iria Novias.

A outra, xa sen ter en conta que estea mal escrito, sería o contrario do que é este blog (alomenos polo de agora) Nin vendo nada, nin fago negocio e ademais agardo que entren cada día mais curiosos.

Pois nada, convidados quedan vostedes, cando queiran aquí estou agardando na casa.
(Se traedes os pes enlamados quitade os zapatos na porta)

Unha noite no muiño...

2006-03-26T19:41:00.000+02:00

...nin no balneario, unha noite non é nada.

Estivemos na Vila de Mondariz Balneario apenas vintecatro horas, e souperon a moi pouco, abofé.

Non vou facer un relato completo da estancia, só direi que marchamos moi relaxados e satisfeitos, pero a próxima volta vai ser mais longa.

Estivemos na parte novísima (aquí xa é coma as pontes de Ourense, hai vella, nova e novísima) e desde o noso cuarto víanse cousas coma estas, que aquí vos deixo.
A cúpula alumeada é do Pazo da auga, unhas instalacións que abriran xusto despois de que viñeramos o ano pasado. Non é fea, pero non me gusta, porque réstalle protagonismo ó templo da auga de Antonio Palacios.

Sen non hai fillos...

2006-03-25T09:10:00.000+01:00

Haberá alomenos sobriñas.

Xa vai ser a miña cuarta sobriña. A primeira desde que casei.

Polas fotos que lle sacaron onte parece que vai ser un chisco tímida, que non parou de tapar a cara ca man.

Podedes ver un ollo, o nariz e un dediño da man.

Disque se fora mais pequena podíase ver mellor nas imaxes, pero non sei, porque como podedes imaxinar a foto non lla tirei eu.

Ainda que na foto non se poida ver ben, xa vos digo que Irene vai ser moi guapa.

Que ninguén o dubide. Cando naza pedireille permiso á nai para que a poidades ver.

Novo Sheriff na vila

2006-03-25T00:11:00.000+01:00

Informa Acedre de que está a subir a delincuencia en Carolina do Norte. Agora hai que deixar o coche pechado. ¿Onde imos parar?

Chegou o momento de dar un paso á fronte. Acedre, o tio Sam chama por ti. E non terás que poñer unha garavata coma a da competencia.

O cartaz xa o fixen eu, para que vexas o apoio do lobby galego. Ana negase a sair no video, pero ti non dixeches que non.

Acedre, a política chama por ti, ¿que ten o Chuck Norris que non teñas ti?

Tremede delincuentes, a lei chegou á vila.

¿Calvin ou Hobbes?

2006-03-24T00:02:00.000+01:00

Seguramente, todos coñecedes as historias de Calvin e Hobbes.

Algúns, como Turuto ou Melo, son incondicionais.

Non é o meu caso, por sorte ou desgraza (supoño que desgraza) ainda estou colléndolle o xeito.

Hai pouco descubrín, non preguntedes onde, que non sabería decilo, porque foi surfeando ó chou, un test para descubrir se és mais Calvin ou mais Hobbes.

É a tarefa que vos deixo para a fin de semán mentras eu tomo as augas en Mondariz. Se teño oportunidade deixarei algo aquí mañá 25, se non, tendes ata o domingo para traducir o test e dicirme se sodes mais Calvin ou Hobbes.

Concentración n´A Coruña

2006-03-23T21:50:00.000+01:00

Deixoume unha mensaxe esta tarde Turuto para que avisara da concentración que vai haber n´A Coruña, na rua Federico Tapia para protestar contra a reforma da LPI, na porta da sé da SGAE.

Despois, fun traballar, e á tarde no Chuza! atopei a mesma nova no fwwwrando.

O enderezo da SGAE en Galicia é:

Federico Tapia, 13 - 1º Izda. 15005 A Coruña

E a convocatoria é ás 13 horas mañá.

Ide sen armas e con bo rollo.

Esther

2006-03-22T21:45:00.000+01:00

Lin hai uns días no 20 minutos que vai haber novos capítulos de Esther, o que tamén confirman na editorial Glenat, que reeditara hai pouco Gina. Aquí tendes unha imaxe da nova Esther de 35 anos.

Xa escoitara que hai o proxecto de reeditar as historias completas de Esther, comentoullo a propia Purita n´A Coruña nas Viñetas a unha amiga cando agardábamos que lle debuxara algo á miña muller no seu exemplar de Gina. Unha muller encantadora, cunha modestia envexable.

Nas mesmas Viñetas desde o Atlantico de este ano seica artellouse a colaboura co que vai ser guionista dos novos episodios: Carlos Portela, para os que seguiran o Xabarín, o doutor TNT, e para os que non o guionista d´O ano da carracha.

Unha nova esperanza...

2006-03-22T21:11:00.000+01:00

A ver si desta vai.

Había tempo que se agardaba, ainda así ¿quen dixo que as boas novas non eran novas?

Desexo, igual que todos vos que esta vez non pase como a última e quedemos con cara de parvos.

Ogallá esteamos a vivir momentos históricos. Lembremos que moita xente en Euscadi ten a súa vida ameazada por non querer axeonllarse ante a violencia.

Non estamos a falar de política, o único que pedimos é unha oportunidade para vivir en paz.

Non quero vivir isto dende o escepticismo, prefiro apostar, ainda que teñamos que camiñar amodo.

Hoxe é un día para que saquedes todas esas mensaxes navideñas, cheas de po polo uso automático e moitas veces sen sentimento.

Deséxovos a todos moitos anos de paz.

Rolda de correo Blogaliza

2006-03-22T06:31:00.000+01:00

¿Alguén non sabe ainda qué é Blogaliza?

Blogaliza é unha paxina na que se relacionan e recollen as entradas de blogues en galego que voluntariamente nos suscribimos.

Ten vontade de ser unha comunidade (hoxe hai 209) e neste momento hai un debate nunha rolda de correo no que se están a aportar ideas sobre o seu posible futuro.

Os 22 membros da rolda de correo publicamos dende hoxe, conxuntamente, a seguinte mensaxe:

bloGaliza está a moverse...e de tí depende o seu avance.

No foro galizablog de Google Groups, estase a discutir o que
até o de agora foi Blogaliza, o que é Blogaliza neste intre e o que
queremos que sexa Blogaliza no futuro.. e a túa opinión é básica
para o desenrolo desta comunidade.

Non teñas medo en entrar, non te compromete a nada e sempre te poderás borrar cando esteas canso.

Agardámoste.

¡Exportemos o noso minifundismo!

2006-03-21T21:26:00.000+01:00

Fagamos patria. ¿Hai algo mais galego que o minifundismo? Eses catro metros cadrados sementados de patacas ou tomates. ¡Que bonito! ¡Da gloria velos!

¿Quen quere un tractor de verdade podendo ter un chimpín?

O amigo Turuto avísame con tempo para que non perda a miña oportunidade. ¡Se queredes mercar barato non esperedes mais! Mercade na Lúa.

Esquecede os embotellamentos do trafego, ide saltando a traballar.

Esta xente ten a exclusiva dos terreos na Lúa. Tamén ten a de Venus e Marte, pero sempre me gustou vivir no centro, os arrabaldes non me interesan, que despois tiraste unha chea de anos luz na nave para ir ó centro.

Se queredes ir escollendo o terreo podedes buscalo aquí na zona histórica da Lúa. Se vos conformades co arrabalde, tamén podedes atopalo.

Conste, que non era fan dos Zapato Veloz.

Mestre Mateo

2006-03-21T07:13:00.000+01:00

Non lle fixen moito cas ós premios mestre Mateo, pero claro, eu non estava proposto, ou non era finalista, ou candidato. Xa sei que eu tamán uso o de nominee, mais non gusto de usar os anglicismos se os podemos sustituir por unha verba que xa teñamos (e non empecedes a buscar, que niso tamén son inconsecuente. Se atopades anglicismos reportádemo e chequeareino :-D )

Ben, decía que non estaba nominado, pero o que si estaba (mais ou menos) era Turuto.

Fixo a programación e Victor Rivas os debuxos dun xogo interactivo de Interacción. O xogo chámase O mando manda ¡e gañou!

Xa vedes, aquí respetouse o Copyright, pero como é un traballo por encargo non aparece quen o fixo. Parabéns Turuto, aquí non te queremos por isto, que te queremos sen mais, pero encántame fardar (xa que eu non dou para tanto) do que fan os colegas.

Os que probedes o xogo podedes deixarlle aquí algun comentario ó Turuto, e a súa páxina persoal a tendes nunha ligazón na marxe dereita.

Un día normal

2006-03-20T21:12:00.000+01:00

Hoxe cumpro 33, xa o dixera, ademais hai xa 2 anos que casei, tamén un día 20 de marzo coma hoxe.
Esta é a entrada número 100 do blog en Blogger.

Que pouca gracia tivo hoxe. Chamáronme os amigos e a familia, pero tiven que traballar tamén á tarde, e non puiden celebrar nada. Menos mal que a fin de semán imos a Mondariz de paseo.

Nesta día tamén naceron Ovidio, Ibsen, Spike Lee, Tracy Chapman...

E comezou a 2ª guerra de Irak (este Bush, con tal de me amargar a festa non sabía o que facer).

Pois nada, un día mais, e un ano mais tamén.

Outro día poño unha foto da voda se lle apetece ó Blogger subir as fotos.

Os Blogues en Galicia

2006-03-19T21:28:00.000+01:00

Onte na TVG puxeron unha reportaxe sobre o fenómeno dos blogues en Galicia.

Breve e bastante atinado para o que eu chego a coñecer. O acerto empeza pola escolla dos entrevistados.

Tivo o bo detalle Manuel Gago de comentalo no seu capitulo 0 e ainda o mellor de deixar o video para que poidamos velo.

Día do pai e outras festas

2006-03-19T16:31:00.000+01:00

Hoxe é o día do pai, non o vou felicitar porque sei que non entra nunca aquí. Xa o chamei ó móbil, que hoxe non está na casa.

Si que lle vou mandar parabéns ó meu irmán, porque de cando en vez sei que pasa por este blogue. Ou alomenos iso é o que dí. Mándollos porque o seu nome é José. (igual co meu pai)

Para rematar contareivos que hoxe abrín a caixa de correo, que non abrira onte, e atopei publicidade, unha carta da caixa de aforros, e unha de El Corte Inglés, que me manda parabéns polo meu cumpreanos desexándome "que el mismo transcurra felizmente en compañía de los seres más queridos" agradézollo moito porque sei que o fan co corazón, que bos amigos son estes do "Corte".

Pois si, mañá, se non pasa nada hoxe, chegarei ós 33, "a idade de Cristo menos un mes".

Sen agardar ós comentarios, xa vos digo eu que a idade cronolóxica está clara, a que está por ver é a mental.

Oportunidade perdida

2006-03-19T12:57:00.000+01:00

É magoa, e pasou o día, pasou a romería. Ainda así sería bonito poder cambiar do que é...

ó que puido ser...

Non é tampouco que fora cambiar moito a cousa, pero cando menos pagaría aqui os seus impostos.

Menos é nada. (o que agora temos)

Van Winkle

2006-03-18T13:04:00.000+01:00

Deixara esta entrada o día 14 e facíame raro que ninguén dixera nada, porque é mais doada que ningunha das anteriores (agas a de Kuala Lumpur ;) )
Hoxe fun ver e decateime do que pasara, tivera problemas co servedor ou trabuqueime e quedou gardada coma un borrador. Aquí tendes...

Robert Van Winkle foi arrestado en Davie, Florida pola policía en Xaneiro do 2001 despois de tirarlle do pelo á súa muller nunha liorta.

Se mirades con atención lembraredes a esta lamentable persoaxe, non lamentable pola súa conducta familiar (aí non digo nada, que a súa muller fale ca amiga Lorena Bobbitt se quere) senon pola súa conducta pública (non podo dicir profisional)

¿Quen é este ghicho? Non podía ser mais doado.

Saquei esta foto da mesma páxina ca de John Wayne Bobbit, un día destes, direivos cal é.

Mantra para o sábado á noite

2006-03-18T12:46:00.000+01:00

Milleiros de rapaces e rapazas galegos sairan esta noite buscando parella (para unha noite ou para unha tempada). Deixo aquí o mantra que teñen que repetir mentalmente para acadar o exito.

E non poden esquecer, se buscan mozo ou moza, non beber de mais. Xa sabedes que a potencia sen control non serve para nada.

Pasádeo ben.

Para ter un nome así...

2006-03-17T19:56:00.000+01:00

Os que me coñecen saben que recentemente lin Monster unha historia en banda deseñada de Naoki Urasawa. Recoméndolla a todo o que lle guste o thriller e a intriga. (ainda que 36 números a 4,15€...)
Nunha parte da historia, algunhas persoaxes falan da importancia do nome de un, e lembro isto vendo o descubrimento que fai turuto no Hidrocube recolle un artigo publicado orixinalmente no El nuevo Herald de Miami por Gonzalo Guillén.

¿Paga a pena ter un nome tan pouco axeitado como Justo Empate, Campeón Invicto, ou Dos a Uno?
Contaba un dos visitantes habituais (que se indentifique el se quere) que tivo dous compañeiros de estudos, que eran irmáns, chamados "Zig Zag" un e "Tordas Pirracas" o outro. E iso aquí, non en Ecuador. E o mellor de todo é que estes rapaces dician estar moi ledos de ter ese nome.
Cando o nome foi inventado, supoño que habería un Xosé, un Antón e un Xacobe, un de cada por nome. Agora temos nomes de serie e se cadra agradécese un nome feito á medida. Non sei. Se cadra teñen razón, pero de dar un nome orixinal eu preferiría algo fermoso, non arrepiante.

Lembro tamén unha historia de médicos, penso que sucedeu en Barcelona.

A nai vai ca súa filla e chámaa polo seu nome varias veces: ilóveni.
A doutora cree recoñecer o nome e preguntalle por el á nai. ¿Cal foi a causa de lle poñer ese nome á rapariga? Bo, gustoume. Vino nunha camisola.

Xa sabedes o que puña a camisola, incluso ten páxina web:

I love NY.

Esta historia relatouma un dos testigos, non é un conto (ainda que pareza)

Ás veces é mellor non ser moi orixinal, ¿non opinades igual?

Traidor automático

2006-03-16T22:46:00.000+01:00

A UVI, realmente o seminario de lingüística informática creou o ano pasado un traductor automático galego - castelán.
Recén o descubrín hoxe, non oira falar del. Non sei si é bo ou malo, supoño que será un traidor coma todos, pero para o que non fale as dúas línguas é unha opción de emerxencia. Xa falei noutra ocasión destas máquinas, ainda así gustoume atopalo.

Traduce a un galego isolacionista, e por iso para os reintegracionistas será dobremente traidor.

Hei dicir, que atopo ó Estraviz unha ferramenta moi valiosa (permete as pesquisas en galego RAG) se cadra o mellor dicionario de galego na rede. Ainda que non sempre concorde ó cento por cento.

Uns é outros a traballar pola lingua. Cada un ó seu xeito.

Non sei que dicir

2006-03-16T22:30:00.000+01:00

Esta policía da rede, que vai buscar se plaxian o teu blog...

Non me gusta ter que poñer policía, xa para iso poño a Creative Commons, pero... ¿E se aproveitan para vender o que eu fago? (digo eu pero quero dicir algo que pague a pena, ghe, ghe)

Pois nada, xa tes ós de Copyscape para andar detrás deles.

Feo, feísimo: o feismo

2006-03-15T18:13:00.000+01:00

Na edición dixital de La Voz hai unha sección para recoller o pior de todos nos. O feismo arquitectónico. Esa mestura de descoñecemento arquitectónico unhas veces, especulación inmobiliaria outras e mal gusto sempre.

Deixovos tres ligazóns ás galerías de fotos.

1
2
3

Aviso:
Estas imaxes poden ferir a sensibilidade do espectador.

Se queredes participar aquí tendes como.

Deixo para o final a que me parece mais chistosa. Non ían retranquear por unha farola. Nin de coña.

90 / 118

2006-03-14T21:20:00.000+01:00

Levo xa 90 (con esta) entradas no blogger. Agardaba chegar ás cen para comentalo, pero esta mañá mentras me estaba a barbear lembrei que levaba algunhas mais no opera, 28 mais.

Así esta é a entrada numero 118 dende o día 9 de decembro. Cheguei pasado de freada para poder celebrar nada. Mellor así.

Por certo, lembraredes os que daquela líades isto que naquel apocalipse na Ópera adiqueime case que únicamente a facerlle bonecos de SouthPark ós coñecidos. Supoño que o atoparían noutro lado, pero dun tempo a esta parte hai varios blogueiros galegos que están a facer as súas imaxes. (O final vai ser que non facía tan mal os meus).

Xa non lembraba que deixara barba cando empecei a bloguear.

Val do Deza

2006-03-13T21:44:00.000+01:00

Onte estiven en Lalín. E non preguntedes que fun facer alí, xa vo-lo digo eu:

Fun pasear e tomar un cocido.

En Galicia teñen moito éxito os restaurantes onde mais que dar de comer, botan de comer. E nós fomos a un deses...comimos como animais.

Non trouxeron o porco enteiro, pero parecía que o trouxeran, do moito que comimos.

E cando rematamos co pobre animal...as sobremesas. Non puiden con todo, teño que confesalo.

Por sorte ninguén necesitou nin sequera bicarbonato, só tivemos que afrouxar o cinto.

Despois, unha pequena sesta á beira do rio e coma novos. Mellor ainda.

Paseando atopamos este rótulo, e quedamos intrigados co das "cosmetologicas".

¿Alguén de Lalín coñece o letreiro e sabe o que significa?

Os de Lalín seguramente coñeceran o porco este metálico, é meirande do que semella na fotografía. Concordo ca xente de Lalín en que ó animal hai que lle levantar un monumento.

Pareceme incríble isto. ¡Vergoña!

John Wayne (Bobbitt)

2006-03-12T21:22:00.000+01:00

Esta é a portada dunha das películas que protagonizou: John Wayne Bobbitt uncut. O título ten dobre sentido, pode significar sen censura ou sen cortar. A crítica di que non tiña moito aguante e habilidades xustiñas.
Rodou outra película despois chamada Frankenpenis.

Seica quedoulle ben despois da operación pero algo curto o aparato e operouse de novo para alongalo. Din que non foi boa idea, que mellor quedara como estaba.

Polo relato que fan da historia, ainda que me estea mal dicilo, este home estaba buscando que lle fixeran algo. Non sei se cortarlle a pirola, pero...podedes ver mais se premedes na foto do seu anaco.

Por certo, se pensades ser infieis, non casedes cunha tailandesa, polo que din aí teñen tradicionalmente o mesmo costume que Lorena Bobbitt, e non esperan a que o home bata nelas, as torture e as viole, só lles fai falla unha infidelidade.

¡Manda carallo! (tiña que dicilo)

Actor protagonista

2006-03-11T17:50:00.000+01:00

Non pensei que taradárades tanto en dar ca respostas á adiviña das fotos policiais.

Direivos, para amolar ainda mais, que a miña muller acertou á primeira.

Ela di, que a pista boa foi o de que non quería ser famoso.

Ainda que estas fotos son de arrestos, este home fíxose famoso como víctima dun delito no ano 1993. O que cometera o delito foi considerado inocente por cometelo nun estado de loucura temporal. Despois do delito, o noso home estivo oito horas nun quirófano.

Rodou unha película no ano 1994, que se vendeu directamente en video, non se estreou en salas.

Posteriormente unha ex-muller escribiu un libro titulado "Esta semán casei con (o nome do ghicho)"

En setembro de 2005 metérono na cadea por violencia domestica ca súa terceira muller.

Penso que agora xa o saberedes todos.

Para chorar e mais berrar

2006-03-10T20:13:00.000+01:00

Hoxe 10 de marzo é o día da clase obreira galega.

A CIG lémbranos aproveitando a data, que a sinistralidade laboral, e nomeadamente a mortalidade, non son cousas do pasado en Galicia. Aquí podedes ver no cadro amarelo os accidentes graves en Galicia e no morado os de España.

Podedes ver nas gráficas que a mortalidade está a repuntar tanto en Galicia como no resto do Estado, pero se comparades magnitudes, veredes que en galicia prodúcense mais do 10% dos accidentes totais. Se cadra a precariedade laboral e as actitudes de moitos seudoempresarios (negreiros con carné) teñen moito que ver. Tendes mais datos hoxe na páxina da CIG.

Non quixera ser famoso

2006-03-09T23:01:00.000+01:00

Este home foi famoso no seu día.

O seu nome foi moi coñecido.

Non tivo fama polos seus crimes.

E non saltou á fama de forma voluntaria.

Coma xa suporiades é dos EUA.

¿Sabedes o seu nome?