Mira ti...

Vendo na páxina de Banda deseñada a recomendación do disco de Lamatumbá lembrei que vira un anuncio ou un banner ou algo no vieiros.

Hoxe, buscando outra cousa, enlacei cunha nova sobre o disco e despois á páxina do grupo (que rollo metes Ghanito)

Ben, no grupo vexo unha cara que parece coñecida...

Cousas de ser vello, coido que me podo chamar fan dos KGBen, e ademais como toco (ou toquei) o baixo, non podía deixar de ver que o baixista do grupo era un fenómeno.
Mesmo tocamos unha vez nun concerto de varios grupos con eles (casualmente o organizara eu, claro)

Era o mesmo rapaz, Pedro Feijoo Barreiro.

Descubro duas cousas mais, que ten un estudio de gravación en Vigo chamado Muu! (encántame o nome) e que escribiu un libro: ¡Viva o fú Remol!

Despois de leer a crítica penso mercalo e non o recomendo porque ainda non sei si é bo, pero promete...

Dicían os KGBen: Mañá teño que ir a San Andrés de Teixido
Ainda agora lembroo e danme ganas de bailar.

A verdade, isto é un rollo, pero agora, xa está