Rematou

Está mañá entrei no traballo e vin no chan a portada de "La Coz" ollei para o calendario e pensei: ¿Pero hoxe é o día dos inocentes? e vin que non. Hoxe é 10 de febreiro. A nova da primeira paxina era que PACO VÁZQUEZ marcha de embaixador ante o Vaticano.

Dende o primeiro momento tiven claro o único comentario posible a esta nova, é só unha verba e penso que o propio Paco podería asinala:

A M É N

Ollo, que non dixen descanse en paz, dixen só Amén.

Mais abofé que vai descansar, porque moito choio...

No Vaticano...

Non sei eu...

Engadido "a posteriori"

Paga a pena ver as opinións de todos estes "coruñeses ilustres". Teñen nalgúns intres bastante de surrealista. Francamente a propia nova é o mais surrealista, por abraiante.